Mbledhja e Kryesisë së Partisë Demokratike e nisur në orën 18:00 ka përfunduar vetëm disa momente më parë. Bëhet me dije se është vendosur që të mos ketë përjashtime nga partia. Ndërkohë mësohet se do të propozohet në Kuvend Kombëtar marrja e një vendimi ku individët e shpallur ‘non grata’ nuk mund të jenë pjesë e niveleve drejtuese në parti.
Siç u raportua më herët gjatë kësaj mbledhje u vendos ngritja e Komisionit të Përhershëm Statutor i cili përbëhet nga 6 anëtarë, Enkelejd Alibeaj, Jorida Tabaku, Ervin Salianji, Jonila Godole, Taulant Zeneli, Kreshnik Çollaku, si dhe krijimi i Alenacës Qytetare. Ndryshimet statutore do të miratohen në Kuvendin Kombëtar të ditës së nesërme, i cili do të nis në orën 11:00 në ambientet e Pallatit të Kongreseve.
Kujtojmë se ndarja në dy fronte e PD-së mes Bashës dhe Berishës, pas përjashtimit të këtij të fundit nga partia, iniciuar nga shpallja “non grata”, ka sjellë krijimin e dy “paketave” që përmbajnë ndryshime në statut të Partisë Demokratike, ku të dyja palët i konsiderojnë si legjitime. Problemet lidhur me statutin janë adresuar në Gjykatën e Tiranës.
Discussion about this post