Dymbëdhjetë nga pjesëmarrësit në protestën e fundit para bashkisë së Tiranës për dorëheqjen dhe arrestimin e Erion Veliajt, janë proceduar penalisht nga policia. Mes tyre janë përfaqësues të opozitës, si Tedi Blushi, Klevis Balliu dhe Adriana Kalaja.
Ndaj tyre rëndojnë akuzat për veprat penale “Prishja e qetësisë publike”, “Shkatërrimi i pronës” dhe “Thirrjet publike për veprime të dhunshme”.
“Drejtoria Vendore e Policisë Tiranë, në lidhje me aktet e dhunshme të ushtruara gjatë protestës së zhvilluar ditën e djeshme, përpara Bashkisë Tiranë, nga Aleanca për Mbrojtjen e Teatrit, në vijim të veprimeve hetimore e procedurale dhe nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, procedoi në gjendje të lirë shtetasit:
– D. B., 27 vjeç, R. D., 19 vjeç, A. P., 46 vjeç, K. B., 21 vjeç, S. L., 68 vjeç, S. B., 48 vjeç, G. S., 53 vjeç, B. Xh., 34 vjeç, E. K., 22 vjeç, T. B., 39 vjeç, K. B., 34 vjeç, të gjithë banues në Tiranë, për veprat penale “Prishja e qetësisë publike” dhe “Shkatërrimi i pronës”;
– A. K., 59 vjeçe, banuese në Tiranë, për veprën penale “Thirrjet publike për veprime të dhunshme”. Materialet i kaluan Prokurorisë për veprime të mëtejshme”, thuhet në njoftimin e policisë së Tiranës.
Discussion about this post