Ditën e sotme luhet ndeshja e radhës e Kategorisë Superiore e vlefshme për javën e 14-të. Skënderbeu dhe Kastrioti zbresin në fushë vetëm për tre pikët e radhës në stadiumin “Skënderbeu” në Korçë në orën 16:45.
Të besuarit e Memellit vijnë në këtë takim pas humbjes 2-0 ndaj Vllaznisë, ndërsa Kastrioti vjen pas fitores minimale ndaj Egnatias.
Aktualisht “Ujqërit e Dëborës” janë në vendin e tetë të renditjes me 11 pikë, po aq sa Egnatia që ndodhet një pozicion më poshtë.
Ndërkohë, Kastrioti mbyll renditjen e Superligës me vetëm 8 pikë në 13 ndeshje.
Kujtojmë që mbrëmjen e djeshme u luajt ndeshja hapëse e Superligës për këtë havë, mes Vllaznisë dhe Dinamos që përfundoi në barazimin pa gola.
Ditën e nesërme luhen ndeshjet e radhës, ku spikat sfida mes Kukësit dhe Partizanit në 16:45. Në 13:45 luhet Egnatia-Laçi, ndërsa 19:45 luhet Tirana-Teuta.
Discussion about this post