Emri i Filip Talos është lakuar për çështjen e dosjes së sigurimit të shtetit (për ish-Presidentin Ilir Meta), dhe u thirr në Prokurorinë e Tiranës për të dëshmuar.
“Iu qëndroj pretendimeve që kam bërë dhe nuk dua të shqetësohet më familja ime”, ka deklaruar Filip Talo pas marrjes në pyetje në Prokurorinë e Tiranës për kallëzimin e Metës kundër autoritetit të Dosjeve.
Kush është Filip Talo
Filip Talo ka lindur në Lushnje në vitin 1969. Ai rezulton të ketë qenë shok klase me ish-presidentin Ilir Meta në Fakultetin Ekonomik në Tiranë.
Në vitin 1989 ai ka dashur të arratiset nga Shqipëria dhe këtë plan ia ka treguar shoku të tij të klasës me inicialet I.M, që për Autoritetin e Dosjeve është Ilir Meta dhe për këtë të fundit Ilir Murataj.
Sipas të dhënave, Filip Talo rezulton që deri në vitin 2013 të ketë punuar në Drejtorinë e Metrologjisë.
Ky institucion është në varësi të Ministrisë së Energjetikës dhe Transporteve e cila në atë drejtohej nga Lëvizja Socialiste për Integrim, që drejtonte vendin në koalicion me Partinë Demokratike.
Madje, në një raport të Kontrollit të Shtetit bërë në drejtorinë e metrologjisë është edhe emri i Filip Talos.
KLSH kërkon që për këtë person të vendoset një gjobë në vlerën e 100 mijë lekëve apo një masë administrative pasi nuk kishin respektuar procedurat në disa tenderë të zhvilluara.
Filip Talo sipas këtij dokumenti, mbante detyrën e kryetarit të komisionit të vlerësimit të ofertave.
Discussion about this post