Në ngjarje e pazakontë është regjistruar në Berat, ku një shtetase me inicialet M.S, ka akuzuar vjehrrën se e ka trafikuar për prostitucion në Itali.
Çështja u regjistrua nga prokuroria e Beratit në vitin 2018, që në përfundim të hetimeve kërkoi 22 vite burg për Dashuri Shkurtin, për veprën penale “Trafikimi i personave të rritur”, parashikuar nga neni a/4 i Kodit Penal.
Në përfundim të hetimeve dhe konkluzioneve të Prokurorisë, gjykata e shpalli të pandehurën Dashuri Shkurti fajtore dhe e dënoi me 17 vite burgim.
Hetimet
Prokuroria njofton se: arriti në përfundimin se, ka të prova të mjaftueshme se e pandehura, në bashkëpunim me shtetasit E.M. dhe F.D. ka kryer veprën penale për të cilën u akuzua. Ajo me veprime aktive ka rekrutuar, transportuar në shtetin Italian, viktimën M.S., me qëllim shfrytëzimin për prostitucion.
Sipas hetimeve, e pandehura Dashuri Shkurti e ka rekrutuar, transportuar dhe trafikuar nga Berati në Vlorë e më pas në shtetin Italian, nëpërmjet fshehjes dhe formës së ngjashme me skllavërimin nusen e djalit duke e ndaluar të takohet dhe komunikojë me persona të tjerë dhe familjarët dhe duke e detyruar që t’i bindej çdo urdhri të saj. Sipas akuzës, Shkurti e ka trafikuar M.S., fakt ky i provuar edhe nga deklarimet e viktimës, se e pandehura i ka thënë: ti do të vish në Itali dhe po hape gojën të shkosh në polici ne do të vrasim mamanë.
M.S. ka deklaruar se rreth muajit Shkurt të vitit 2018 ka qenë e papunë dhe e asistuar nga shërbimet sociale të qytetit të Beratit është njohur me të pandehurin E.M., njohje e cila pas pak kohësh është zyrtarizuar dhe në familjet e tyre. Pas përfundimit të ceremonive përkatëse, ajo ka shkuar të jetojë tek banesa e të fejuarit për të cilin thotë se përgjithësisht e trajtonte mirë. Por, shton se shumë shpejt nisën dyshimet për sinqeritetin e të pandehurit kur gjatë një bisede në rrjetin social facebook, e prezanton në komunikim me të ëmën e tij, shtetasen D.S. dhe ka zbuluar planin për dërgimin e saj në Itali.
Discussion about this post