Avioni i nisur nga Londra goditet nga turbulencat/ Vdes një person, disa të plagosur

Një person ka vdekur dhe disa të tjerë janë plagosur gjatë një fluturim të Singapore Airlines që u godit nga turbulenca të forta.

Boeing 777-300ER ishte nisur nga Londra me destinacion Singaporin, por për shkak të turbulencave raportohet se u detyra të bënte ulje të detyruar në Bangkok.

Në bordin e avionit ishin gjithsej 211 pasagjerë dhe 18 anëtarë të ekuipazhit, tha linja ajrore në një deklaratë.

“Singapore Airlines i ofron ngushëllimet më të thella familjes së të ndjerit”, thuhet në njoftim.

Ende është e paqartë se çfarë ka ndodhur saktësisht në bordin e fluturimit dhe si humbi jetën pasagjeri.

Linja ajrore shtoi se po punonte me autoritetet tajlandeze për të ofruar ndihmë mjekësore për pasagjerët dhe po dërgonte një ekip në Bangkok për të ofruar çdo ndihmë shtesë të nevojshme.

Autoritetet tajlandeze kanë dërguar ambulanca dhe ekipe emergjente në aeroportin Suvarnabhumi.

Turbulencat janë një fenomen i motit të cilat avionët mund t’i përballojnë vetëm në raste të rralla si kjo e sotmja.

5:00pm More than 10 ambulances have been mobilized to help transport more than 20 injured passengers from Suvarnabhumi Airport to Samitivej Hospital. Singapore Airlines has confirmed one fatality.

📷 พงศกร รอดภัย ผู้สื่อข่าวสมุทรปราการ ครับ | #Thailand pic.twitter.com/33xltDfx4Z

— Thai News Reports (@ThaiNewsReports) May 21, 2024