U vetëvra me armën e shërbimit, shoqërohet i dashuri i efektives së Policisë

Policia e Tiranës ka shoqëruar të dashurin e efektives, Aldorjana Loshi, që u vetëvra me armën e shërbimit.

Burimet thonë se ata kanë pasur një debat së fundmi me njëri-tjetrin.

Debati me të dashurin dyshohet se mund të ketë qenë arsyeja, e cila mund të ketë çuar 21-vjeçaren drejt aktit të rëndë.

21-vjeçarja, Aldorjana Loshi, ishte efektive e policisë në komisariatin nr.5 në Kamëz.

Dyshohet se ajo ishte e vetme në shtëpi kur i ka dhënë fund jetës jetës me armën e shërbimit. Mësohet se kanë ndërhyrë forcat zjarrfikëse për të hapur derën e banesës së saj.

Ajo prej afro një viti e gjysëm punonte si efektive e patrullës në qytetin e Kamzës, ndërsa në punë nuk ka pas shfaqur asnjë shqetësim.