Një klub mendoi se ishte një “shaka” kur Barcelona i ofroi Samuel Umtitin gjatë një takimi, duke përmbledhur situatën aktuale të francezit.
Umtiti ka luajtur vetëm një ndeshje në La Liga këtë sezon, në barazimin 2-2 me Osasuna fundjavën e kaluar.
Kërkesat e tij ndaj katalanasve janë konsideruar të tepërta dhe klubi po mundohet ta heqë qafe. Dhe tashmë, ka dalë në dritë një histori që tregon se sa e vështirë është të negociosh një largim për ish-mbrojtësin e Lyon.
Sipas SPORT, kur një përfaqësues i Barçës përmendi emrin e Umtiti si lojtar i disponueshëm në bisedime, zyrtari i klubit pyeti nëse ishte një shaka.
Benfica ka qenë e lidhur me 28-vjeçarin, por me faktin se është e ndërlikuar për të hequr Umtiti nga fatura e pagave, thuhet se Barça tani mendon se opsioni i tyre i vetëm është të ndërpresë kontratën e tij.
Marrëveshja e tij do të përfundojë në vitin 2023 dhe ai besohet se nuk ka arritur të bjerë dakord për një ulje të pagës së tij prej 208,000 £ në javë.
Discussion about this post