Aksident në punë, plagoset punonjësi te rafineria e naftës

Një aksident në punë ka ndodhur këtë të mërkurë në Fier.

Policia njoftoi se “rreth orës 13:30, në spitalin e Fierit, është paraqitur për mjekim shtetasi A. Rr., 51 vjeç, i cili dyshohet se është rrëzuar nga shkallët, duke punuar në rafinerinë e naftës, në fshatin Drizë”.

Sipas të njëjtave burime, i plagosuri ndodhet në kujdesin e mjekëve, jashtë rrezikut për jetën.

Një hetim ka nisur lidhur me ngjarjen.

Gjatë muajit Maj, pesë persona kanë humbur jetën pasi janë aksidentuar në vendin e punës.