Kryeministri Edi Rama teksa ka folur për modernizimin e administratës publike thotë se fleksibiliteti në punë është tepër i nevojshëm dhe duhet të konsiderohet normal.
Ai tha se administrata publike nuk është një çerdhe ku njerëzit punojnë për të vjedhur, ashtu si siç konsiderohet nga disa.
Rama ka deklaruar se në muajin qershor hyn në fuqi rritja e re e pagave të administratës dhe paga mesatare do të jetë 900 euro.
Ai theksoi se janë duke menduar seriozisht dhe për pensionet, pasi është një çështje për të cilën ka folur dhe me ekspertë europianë.
“Shumëkush për fat të keq jeton akoma me idenë e krijuar të një administrate që është një çerdhe që lëvizin lekë dhe vjedhin, është një përceptim i ngritur vit pas viti, muaj pas muaji, ditë pas dite dhe ilustrohet me shembuj të keq dhe që kur ekspozohen për shkak të drejtësisë përdoren për të thënë që këtu janë të gjithë njësoj. Unë nuk do guxoja ta përdorja kurrë këtë fjali për vete, nëse ajo nuk pengon. Siç e dimë të gjithë administrata jonë mund të ketë shumë boshllëqe për të mbushur, por nuk është çerdhja ku janë mbushur të gjithë djajtë. Ne nuk flasim as për 10, as për 30, por për qindra persona që e kanë përfaqësuar administratën në procese të rëndësishme, por kush nuk e njeh nga brenda ashtu e përcepton. Nuk është aspak penguese për mua ta shoh punën tuaj si një kontribut të rëndësishëm kombëtar. Tani duke u gjendur përpara këtij ekspozimi të së keqes që është njësoj si të hysh në një sallë operacioni vetvetiu krijohet idea se këtu po ndodh diçka shumë e rëndësishme dhe në aspektin e nderit.
Është e padrejtë që një pjesë e njerezve që janë në administratë dhe të shikohet e gjithë masa e madhe e atyre që punojnë si e dyshuar, si e njollosur ”, u shpreh Rama.
“Në qershor hyn në fuqi rritja e re e pagave. Të gjithë do kenë rritje në pagën e tyre dhe do arrijmë objektivin e shpallur që paga mesatare në sektorin publik shqiptar të jetë 900 euro. Dhe kjo nuk diskutohet, qershori është muaji i fundit me këtë pagë qe keni dhe me kryerjen e të gjitha procedurave paga e radhës do jetë paga e rritur. Është një rritje shumë e konsiderueshme po të marrim parasysh totalin.
Duke filluar nga pensionet më të ulëta, do të kemi mbështetjen për pensionet. Na e thonë të gjithë ekspertët që te pensionet bëni kujdes, sepse është një peshë shumë e madhe. Jemi duke menduar shumë seriozisht dhe besoj do të hedhim një hap në atë drejtim”, u shpreh me tej ai.
Discussion about this post