Kush është peshkatari që humbi jetën në Bulqizë

Është zbardhur identiteti i peshkatarit që humbi jetën pasditen e kësaj të diele në Bulqizës. Viktima është 30-vjeçari Klodian Kala.

Sipas policisë, ai ka rënë në kontakt me rrymën elektrike, teksa ka qenë duke peshkuar me gjenerator në lumin e fshatit Sofraçan. Ngjarja e rëndë është regjistruar rreth orës 17:30.

“Rreth orës 17.30, në lumin e fshatit Sofraçan, shtetasi K.K., rreth 30 vjeç, duke peshkuar, dyshohet me gjenerator, ka rënë në kontakt me rrymën elektrike dhe për pasojë ka humbur jetën”, thuhet në një njoftim paraprak të policisë lokale lidhur me ngjarjen.

Grupi hetimor po kryen hetimet për zbardhjen e rrethanave të ngjarjes, shtuan të njëjtat burime.