Menjëherë pas Kuvendit Kombëtar, Lulzim Basha ka mbledhur kryesinë në seli. Mediat kanë siguruar mesazhin e parë të kryedemokratit ndaj anëtarëve të kryesisë. Basha i ka falënderuar për sakrificën pa kushte, ndërsa shprehet se tashmë do të përgatiten për shtrirjen në terren me qëllim organizimin e partisë dhe përgatitjet për zgjedhje.
Mësohet se ai ka dhënë dy udhëzime, ku ka kërkuar:
-Mirënjohje e jashtëzakonshme për sakrificën tuaj në kushte të jashtëzakonshme. Pavarësisht gjithçkaje, 5004 delegate te pranishëm ishin për shkak te sakrificës shumë të madhe të demokrateve.
-Përgatitje për shtrirje në terren në funksion të organizimit të partisë dhe përgatitjen e partisë për zgjedhje.
Kujtojmë se Lulzim Basha ka deklaruar se me Kuvendin Kombetar qe u mbajt sot me 18 dhjetor është hapur një faqe e re për Partinë Demokratike e për ta shndërruar atë në alternativën e shpresës për shqiptarët.
Në Kuvendin e kësaj të shtune, u miratua një rezolutë që shpallte si të pa vlefshme Kuvendin e datës 11 dhjetor, si dhe nuk lejonte persona të shpallur non grata që të kenë poste drejtuese në parti.
Discussion about this post