Pas rikthimit të punimeve të Kuvendit pas dy ndërprerjeve, tensionet në sallë vijuan.
Shkak u bë refuzimi i kërkesës së opozitës për interpelancë me kryeministrin Edi Rama pas reportazhit të “RAI3”.
Lindita Nikolla kaloi në votim kërkesën e demokratëve që u refuzua nga socialistët, të cilët kanë shumicën në Kuvend.
Pas kësaj, demokratët bllokuan sërish foltoren.
Më tej, Lindita Nikolla vendosi të ndërpresë për herë të tretë seancën plenare, duke njoftuar 5 minuta pushim.
Më herët, Nikolla përjashtoi Flamur Nokën nga seanca plenare, pas përplasjeve verbale me të.
Ndërkohë, jashtë Kuvendit vijon protesta e thirrur nga opozita. Herë pas herë protestuesit kanë tentuar të çajnë kordonin policor duke u përplasur me efektivët. Këta të fundit kanë hedhur edhe gaz ndaj protestuesve.
Discussion about this post