Ditën e sotme do të luhen tre ndeshjet e mbetura të raundit të 14 të Superligës, ndërsa më parë Skënderbeu-Kastrioti që përfundoi me rezultatin 2-1 dhe Dinamo-Vllaznia 0 me 0 i mbaruan takimet e tyre.
Kjo e dielë do të nisë me sfidën Egnatia-Laçi në orën 13:45 që do të luhet në ‘Egnatia Arena’ në Rrogozhinë, ndërsa të favorizuar, duke u bazuar në takimet e fundit, padyshim që janë kurbinasit. Vendasve do u duhet të luftojnë fort që të mos pësojnë një tjetër disfatë, teksa aktualisht renditen në vend të 9 me 11 pike, me Laçin që qëndron i 4 me 21 pikë.
Kukësi do të presë Partizanin në orën 16:45 në ‘Loro Boriçi’, pasi ende ‘Kukësi Arena’ nuk është gati për t’u inauguruar. ‘Verilindorët’ pritet të bëjnë gjithçka në një takim që ‘Të kuqve’ të kryeqytetit u duhen me patjetër 3 pikët.
Ndërsa ora 19:45 në ‘Air Albania’ do të sjellë supersfidën mes Tiranës kryesuese dhe Teutës kampione ende në fuqi. ‘Bardheblutë’ kërkojnë të blindojnë vendin e parë ndaj dhe sot do bëjnë gjithçka për tre pikët, teksa ‘Djemtë e Detit’ vuajnë mungesën e rezultateve pozitive dhe do përpiqen për t’u afruar sa më shumë kreut./K.T/Gijotina.com
Discussion about this post