Armando Sulaj është ekstraduar nga Italia. Ky shtetas ishte shpallur në kërkim, pasi Gjykata e Shkallës së Parë për Krime të Rënda Tiranë i ka caktuar masën e sigurisë “arrest në burg”.
Sulaj akuzohet për veprat penale “Prodhimi dhe shitja e narkotikëve”, i kryer në bashkëpunim në formën e grupit të strukturuar kriminal.
Në periudhën gjatë muajve Prill-Maj të vitit 2016, Sulaj, në bashkëpunim me shtetas të tjerë, pasi siguruan me parë sipërfaqe toke në pyll apo kullota, në pronësi të shtetit ose të personave privatë kultivuan në to bimë kanabisi.
Kultivimi u krye në parcela të madhësive të ndryshme, në sasi nga 4500 deri në 5000 rrenjë bimësh narkotike. Për kultivimin, mbarëvajtjen e aktivitetit dhe ruajtjen e tij ata aktivizuan një numër personash që u sistemuan në kasolle të ndërtuara pranë parcelave.
Si rezultat i bashkëpunimit të Interpol Tiranës me Interpol Roma/Itali, u bë i mundur arrestimi i tij në Itali, duke u finalizuar me ekstradimin drejt Shqipërisë.
Discussion about this post