Një tjetër pikë turistike e Shqipërisë pritet të jepet për rikonstruksion bëhet fjalë për “Syrin e Sheganit”. Bashkia e Malësisë së Madhe ka shpallur tenderin me fond limit 2.75 milionë lekë për rikonstruksionin e ambientit të jashtëm të kompleksit “Syri i Sheganit”.
Ky projekt synon krijimin e kushteve për arritjen e një turizmi të qëndrueshëm.
Syri i Sheganit është një burim i madh karstik, që gjendet në afërsi të fshatit Kosan, të Njësisë Administrative Bajzë, bashkia Malësi e Madhe, pranë buzës lindore të liqenit të Shkodrës, në lartësinë rreth 6 m mbi nivelin e detit.
Ndërhyrjet parashikojnë punime guri dekorativ dhe druri, ndërhyrje në sistemimin e fushës ekzistuese, ngjyrime piste për realizime lojërash rekreative duke integruar natyrën me objektet ekzistuese.
Discussion about this post