Kreu i Grupit Parlamentar të PD-së, është pyetur për një pakt mes Edi Ramës dhe Sali Berishës, apo mes Bledi Çuçit dhe Gazment Bardhit, ky i fundit tha se në bisedimet për rikthimin e normalitetit në Kuvendin e Shqipërisë, kanë qenë në dijeni në kohë reale, partnerët strategjikë të Shqipërisë.
Bardhi tha se për çdo gjë, për çdo diskutim, kanë qenë të përfshirë partnerët më strategjikë, që kanë dhënë edhe mendimet e tyre. Kreu i Grupit Parlamentar të PD-së tha se është kjo arsyeja pse në atë kohë u përshëndet marrëveshja e arritur duke kthyer Kuvendin në normalitet.
Ai tha se i dëgjon gjithmonë këshillat e partnerëve strategjikë, por ai do të punojë me cilindo që forcon Partinë Demokratike. Lidhur me deklaratën e fundit të Ambasadës së SHBA, pasi Gjykata e Apelit i dha vulën dhe logon grupimit të Sali Berishës, Bardhi tha se nuk ka asnjë ndryshim në qëndrimin amerikan lidhur me bashkëpunimin me personat ‘non grata’.
Sipas Bardhit, Shqipërisë dhe shqiptarëve i duhet një PD e fortë, me një ekip fushate dhe kandidati për Kryeministër që ngjall besimin për qytetarët shqiptarë, pa përjashtuar askënd.
Bardhi tha se nëse më pyet mua nëse duhet të zgjidhet mes Edi Ramës apo Sali Berishës, atëherë unë do ti thoja shqiptarëve që pavarësisht gabimeve që ka bërë Berisha, ai është zgjedhja më e mirë.
“Dallimi kryesor mes Sali Berishës dhe Edi Ramës është se Berisha qëndroi në pushtet sa kohë e votuan shumica e shqiptarëve, ndërsa Edi Rama bëri pakt me bandat dhe krimin dhe mban pushtetin. E patë ju se kush ia bëri fushatën Edi Ramës? Ja atë Arben Ndokën kishte në Lezhë, këto janë njerëzit që bënin fushatën e Ramës dhe ai mban pushtetin në aleancë me krimin”, tha Bardhi për News 24.
Discussion about this post