Shqipëria mori një barazim dramatik në fundin e takimit me Kroacinë me rezultatin 2-2 dhe kjo falë Klaus Gjasulës.
Mesfushori i Kombëtares shqiptare hyri në fushë në minutën e 73’, për të zëvendësuar Qazim Laçin dhe pas tre minutash ishte i pafat pasi shkaktoi një autogol. Por në fundin e takimit ishte pikërisht ai, i cili nuk gaboi nga shumë afër për të dalë me pikë nga ky takim.
34-vjeçari hyri kështu në historinë e Europianit, njësoj si Nedim Bajrami, por kësaj radhe jo me golin më të shpejtë, por me golin e barazimit që është shënuar më vonë në një Europian, në minutën e 94 e 23 sekondave.
Por ky nuk ishte rekordi i vetëm që Gjasula vendosi, pasi ai u bë gjithashtu dhe lojtari i parë në Europian ose Botëror që hyn nga stoli dhe shënon një gol dhe një autogol.
gijotina.com/
Discussion about this post