Renditja e re e FIFA-s, Shqipëria nuk ndryshon pozicion

Shqipëria nuk ndryshon pozicion në renditjen e re të FIFA-s.

Kombëtarja vijon të mbetet në vendin e 65-të, ashtu si në përditësimin e muajit Prill.

Në krye të renditjes botërore vijon të jetë kampionia në fuqi e botës dhe Amerikës Latine, Argjentina. Pas kombëtares latine vjen finalistja e botërorit të Katarit, Franca. Podiumi mbyllet me Belgjikën.

Në vendin e katërt renditet Brazili, që fiton një pozicion. Ndërsa në të pestin Anglia, që ka bërë rokadë me Brazilin.

“Top 10” mbyllet me Italinë, që ka rënë një pozicion në renditjen e re.

Kosova renditet në vendin e 105-të, tre pozicione më poshtë se në Prill.