Kreu i Partisë Demokratike deklaroi sot nga foltorja se në vend ka zbritur kriza e thellë ekonomike, me një qeveri që ka zhvatur 400 milionë euro fëmijëve sipas tij. Basha nuk la pa përmendur Trekëndëshin e Bermudës, që kërkon të zbrazë Shqipërinë. Ai ironizoi dhe PP-në e Check‐Up-it, duke thënë se po derdhen para lumë kur gratë rezultojnë me prostatë dhe burrat shtatzënë. Kryedemokrati theksoi se qeveria nuk i njeh hallet e popullit dhe as nuk bëhet fjalë t’i zgjidhë.
“Të nderuar zonja dhe zotërinj! Kur mblidhesh në këtë sallë dhe shikon rendin e ditës thua Lum si ne. Kur kalon ligjet për fëmijët thua lum ky popull! Pastaj kur shikon cfarë ndodh çdo ditë, 400 milionë euro janë zhvatur nga goja e fëmijëve shqiptarë, atëherë e kupton sa hipokrite dhe e pavlefshme është votimi nga mafia e plehrave dhe krimi I organizuar.
Keta njerëz përmes sundimit të tyre përpiqen të zbrazin vendin. Prej vitesh ka zbritur kriza ekonomike, ajo e barkut bosh, e humbjes së shpresës me të rinjtë që duan të lënë vendin dhe familjet e tyre.
Që prej 25 prillit, përmasat e krizës janë bërë më të rënda, oligarkia ekonomike është bërë njësh në trekëndësh. Trekëndëshi I Bermudës po bën gjithcka që ta zbrazë Shqipërinë dhe të realizojë planin e tyre te qartë, shndërrimin e vendit në çiflig të tyre. Në vendin e tyre paratë po derdhen lum për check up që nxjerr burrat shtatzënë dhe gratë me prostatë. Por nuk ka vend as për shqiptareët e ndershëm as për fëmijët e tyre. Sa herë që vritet një I pafajshëm, si Klodian Rasha, papritur dalin në skenë kukulla me costume politikanësh dhe votohen ligje që nuk zbatohen kurrë.
Kjo qeveri nuk është tu shërbejë njerëzve por të mbajë pushtetin me fatura të tilla si humbja e jetëve njerëzore. Në dhjetëra, qindra baballarë e nëna janë jetë të humbura. Kjo është një situatë kriminale dhe ka ardhur këtu sepse kollonat janë shembur me vetdije nga këta që qëndrojnë prapa meje dhe aleatët e tyre të dukshëm e të padukshëm. Kjo qeveri dhe ky kryeministër nuk I njeh e jo më ti qajë hallet e njerëzve.
Ka më shumë se 3 vite që kjo qeveri është më e korruptuara e Ballkanit, sa herë qe ndodhem në këtë foltore dhe citoj këtë fakt, dua tu them se nuk është urimi apo konstattimi Im por I Departamentit të shtetit Amerikan. Paketa e mbrojtjes së familjeve shqiptare është mizerabël, varrezat po mbushen prej virusit, me të rinj nën 40 vjeç, viktima të COVID. Është globale por vendet kanë marrë masa, në Shqipëri nuk ekziston Covid pasi këta duan të mbushin xhepat e tyre.
Është më e thjeshtë të mbushësh parcelat e varrezave, sepse këtu sundon një kastë.
Meqë është séance e fundit e këtij viti, duhet thënë se hapi I parë I arrestimit të njërit prej ministrave të kësaj qeverie mund të jetë shpresë. Me gjyqe si I Tahirit që nis e kurrë nuk bitiset, me të pandehur që janë në arrati ose kanë marrë plumba kokës. Me një kokë turku që për ironi ka mbiemrin Koka, që në fakt është bishti se koka ndodhet pas meje. Ky është thelbi I sundimit të Shqipërisë sot, që e kthen këtë parlament në foltore qesharake ku flitet për gjithçka vecse për problemet e vogëlusheve shqiptarë.
Nga ky që sapo la me mallëngjim foltoren!”- tha Basha.
Discussion about this post