Ka nisur protesta e radhës e thirrur nga ‘Aleanca për Mbrojtjen e Teatrit’ dhe opozita para bashkisë së Tiranës ku kërkohet largimi i Erion Veliajt pas skandalit korruptiv që ka përfshirë këtë institucion që drejtohet nga kryebashkiaku socialist.
Sot policia ka vendosur mos të marrë të njëjtat masa, duke mos bllokuar me gardh metalik bashkinë e korrupsionit. Efektivët janë vendosur vetë në rresht, duke bllokuar në kordon hyrjen e bashkisë së Tiranës.
Me dhjetëra qytetarët kërkojnë largimin e kryebashkiakut Erion Veliaj dhe marrjen e tij të pandehur nga SPAK për dosjen e “5D-së” dhe mega-aferën e inceneratorit fantazmë.
Siç mund të shihni nga pamjet më poshtë, protestuesit i kanë gati fishekzjarrët, vezët, mollët, molotovin për të qëlluar bashkinë e skandaleve korruptive. Gjithashtu janë bërë gati edhe gomat për t’u djegur.
Discussion about this post