Sekretari i përgjithshëm i PD, Gazment Bardhi në një konferencë për mediat, bëri publike emrat e 5004 delegatëve që morën pjesë në Kuvendin e 18 dhjetorit.
Gjatë fjalës së tij, ai theksoi se standardi i PD është vetëm transparenca, ndërsa shtoi se shumica e demokratëve zgjodhi të ardhmen.
“Për këtë rrëmujë të krijuar në PD, standardi ynë ka qenë transparenca për mbështetjen dhe zgjedhjen e së ardhmes. Transparencë e plotë për shumicën e anëtarëve të Këshillit Kombëtar që zgjedhin të ardhmen dhe ka lënë pas të shkuarën. Dhe sot është radha të bëjmë transparencë për anëtarët e kuvendin Kombëtar që këtë të shtunë zgjodhën të ardhmen, opinioni publik është mbushur me sajesa dhe keq informime që bëhen për të mbuluar rrëmujën e krijuar në PD. Ju e mbani mend që kur në këtë sallë mblidhej Këshilli Kombëtar. Berisha i bënte thirrje për bojkot anëtarëve dhe ku nuk iu përgjigjen filluan lajmet e rreme dhe kjo na detyroi të publikonim emrat e çdo anëtari”, tha Bardhi.
Discussion about this post