Plagosën me armë zjarri 43-vjeçarin në Kavajë, arrestohet një prej autorëve

Policia e Kavajës ka arrestuar njërin nga tre të kërkuarit për plagosjen e 43-vjeçarit në Luz të Vogël një ditë më parë.

Burime policore bënë të ditur se është ndaluar kushëriri i dy vëllezërve nga ky fshat, ndërsa ka dëshmuar dhe se ku është hedhur arma e krimit.

Ajo u gjet e hedh në disa ferra. Ndërkohë vazhdojnë kërkimet për gjetjen e dy vëllezërve dhe zbardhjen e plotë të ngjarjes.

“Si rezultat i kontrolleve të kryera për kapjen e autorëve të plagosjes me armë zjarri, të ndodhur pasditen e djeshme, në fshatin Luz i vogël, shërbimet e Komisariatit të Policisë Kavajë kanë kapur dhe vënë në pranga njërin prej tyre, shtetasin:

Ervis Deliu, 26 vjeç, banues në Kavajë, për veprat penale ‘Plagosja e rëndë me dashje’ dhe ‘Prodhimi dhe mbajtja pa leje e armëve luftarake dhe e municionit’”, njofton policia.