Eksperti financiar, Emin Braçi ishte mëngjesin e kësaj të enjteje në “Good Morning Albanians” ku foli për rastin e Pal Trashaj. 63-vjeçari vendosi ti japë fund jetës në dyert e SPAK ku edhe piu fostoksinë, e arsyeja për këtë ishte se kishte humbur pasurinë për shkak të mikrokredive.
“Di të them që zotëria kishte marrë dy kredi. Një over-draft në një bankë dhe një kredi në një institucion financiar të kohës. Flasim për korrikun dhe për gushtin e nëntorit 2008. Në atë kohë vlera e disborsuar ka qenë 40.000 dhe 550.000 lekë. Nuk e dimë çfarë ka ndodhur. Zotëria ka bërë një kërkesë në Bankën e Shqipërisë, ka çuar për dijeni në fakt, një shkresë BKT-së, ministrisë së Drejtësisë, e për dijeni Bankës së Shqipërisë, ku ai nuk merret me çështjen që e kisha kaq e ma çuan kaq, por ai kërkon BKT-së dhe ministrisë së drejtësisë që të pezullojnë veprimet përmbarimore”,-tha Braçi.
63-vjeçari, i cili njihej si historian në qytetin e tij, prej vitesh ka denoncuar kalvarin me kredinë e marrë që më pas ndër vite u shumëfishua deri në bllokimin e pasurisë. Mësohet se Pal Trashaj kishte pasur një kredi të mbetur që nga viti 2008, në vlerën e 760 mijë lekë (të vjetra).
Kredinë e kishte blerë te një firmë e cila kërkonte 4.8 milion lekë duke bllokuar për 5 vjet: shtëpinë, tokën, makinën dhe pagën që Trashaj merrte nga puna. Ai kërkonte që SPAK të merrte përsipër çështjen e grabitjes së pronës së tij nga përmbarues, për të cilët më herët kishte bërë një padi civile në Gjykatën e Lezhës.Trashaj argumentonte se kredinë e kishte shlyer dhe se veprimet e kryera për sekuestrimin e pronës së tij ishin të paligjshme.
Discussion about this post