Një sasi tritoli raportohet se ka shpërthyer këtë herë në Tiranë. Burime nga policia për gijotina.com bëjnë me dije se ngjarja ka ndodhur në Sauk, në rrugën “Selim Brahja”, rreth orës 19:45.
Të njëjtat burime bëjnë me dije se tritoli ka shpërthyer në rrugën dytësore që del për në rrethrrotullimin e Saukut, afër nënkalimit dhe për pasojë janë dëmtuar dy xhamat e parë të dy mjeteve që ndodheshin të parkuara.
Nuk dihen ende shkaqet e kësaj ngjarjeje ndërsa theksojmë se nuk ka të lënduar.
Grupi hetimor ndodhet në vendngjarje dhe po punon për sqarimin e rrethanave të ngjarjes, identifikimin dhe kapjen e autorit.
Discussion about this post