Aksident me vdekje në Memaliaj, automjeti i tonazhit të rëndë zë poshtë 50-vjeçarin (Emri)

Një aksident i rëndë është shënuar paraditen e kësaj të diele në Memaliaj.

Një mjet i tonazhit të rëndë, që shërbente për shpimi për nxjerrjen e ujit është përmbysur dhe ka zënë poshtë shoferin.

Si pasojë e këtij aksidenti, ka humbur jetën 50-vjeçari Leonard Nanaj.

Njoftimi

Rreth orës 10:30, në fshatin Qesarat, Memaliaj, një automjet i tonazhit të rëndë (automjet shpimi për nxjerrjen e ujit) që drejtohej nga shtetasi L. N., rreth 50 vjeç, në një rrugë dytësore të hapur rishtazi, aksidentalisht është përmbysur dhe ka zënë poshtë shtetasin L. N., i cili për pasojë ka humbur jetën.

Grupi hetimor po punon për sqarimin e rrethanave dhe përcaktimin e shkakut të aksidentit.