Policia e Tiranës ka shoqëruar ka shoqëruar në komisariat 8 persona që dyshohet se kanë djegur flamurin serb, në protestën e djeshme të thirrur nga ish-kryeministri Sali Berisha.
Sipas njoftimit, dy persona kanë rënë në pranga, ndërsa gjashtë të tjerë janë proceduar penalisht të moshës 15 e 16 vjeç, banues në Tiranë dhe në Durrës.
“Këta persona, gjatë zhvillimit të protestës pasditen e djeshme, në bulevardin “Dëshmorët e Kombit”, para Kryeministrisë, kanë djegur katër flamuj kombëtar të Serbisë”, njofton policia.
Materialet procedurale u referuan në Prokurorisë pranë Gjykatës së Shkallës së Parë Tiranë, për veprime të mëtejshme, për veprat penale “Nxitja e urrejtjes ose grindjeve” dhe “Poshtërimi i Republikës dhe i simboleve të saj”.
Discussion about this post