Gjykata e Apelit Tiranë ka kërkuar rikthimin në burg të Genci Tafilit. Mësohet se ky vendim është marrë nga Gjykata e Apelit, katër vite pasi Tafili fitoi lirinë me kusht nga Gjykata e Krujës. Vulën e lirimit të tij e vendosi gjyqtarja Enkelejda Hoxha, e cila ndodhet edhe vetë pas hekurave.
Pikërisht pas prangosjes u morën nën shqyrtim të gjitha vendimet e Hoxhës, e cila ka liruar nga qelitë të dënuarit me burg të përjetshëm. Një prej tyre ishte edhe Genc Tafili, i cili është dënuar me 25 vite burg në vitin 2000.
Genc Tafili bashkë me të vëllanë, Admir Tafili ( i cili ndodhet në burg), akuzohen se kanë vrarë në aksion, Komisarin e Policisë Arben Zylyftari. Pasi vuajti 17 vite, Gjykata e Krujës e liroi atë me kusht.
Edhe Admir Tafili është dënuarm e burgim të përjetshëm. Në muajin mars të vitit 2011, Admir Tafili vrau dy vëllezërit Nikolin dhe Gjovalin Pjetrushi, të cilët i kishin vrarë babanë më herët.
