Të mërkurën e 22 dhjetorit do të vendoset për shtyrjen në shtator apo jo të Kupës së Afrikës. Kreu FIFA-s, Gianni Infantino ka vendosur që të mos zhvillohet turneu kontinental që duhej të fillonte 9 janarin e ardhshëm në Kamerun.
Presioni nga klubet e mëdha evropiane, me frikën e përhapjes së mëtejshme të Covid-19, çoi në thirrjen e një takimi urgjent të konfederatës afrikane (CAF) në Doha.
Për këtë arsye FIFA dëshiron të shmangë mbivendosjen mes Kupës së Afrikës dhe Botërorit të Klubeve, planifikuar më datë 3-12 shkurt në Emiratet e Bashkuara Arabe. Krerët e federatave të ndryshme kombëtare afrikane nuk duan që të shtyjnë turneun, por Patrice Motsepe, përfaqësuesi më i lartë i CAF është i prirur drejt shtyrjes për në shtator.
Më shumë gjasa qëndrimi i tij do të mbizotërojë në fund, edhe sepse federatat afrikane kanë çdo interes që të mbajnë mirë marrëdhëniet me FIFA-n./K.T/Gijotina.com
Discussion about this post