Në konferencën që po mban me gazetarët, kryedemokrati Lulzim Basha u pyet nëse do të marrë masa për të mos lejuar më Berishën të hyjë me forcë në PD. Ai tha se nuk do t’i kushtojë shumë vëmendje banditëve me këto sjellje, por theksoi se PD ka gati skenarët për t’i bërë ballë çdo situate.
“Nuk kam ndërmend të merrem me këto veprime të Berishës. Kuvendi vendosi për të ardhmen dhe PD do të vazhdojë të ardhmen. Por, PD ka të gjitha skenarët për të përballuar çdo situate. Autoritetet e drejtësisë duhet të veprojnë për këtë rast, pasi ka materiale mjaftueshëm për të evidentuar këto vepra penale të kryera nga banditët që shoqërohet Berisha. Ne e kemi derën hapur për çdo person që kërkon t’i bashkohet PD për betejën kund korrupsionit, betejën kundër inceneratorëve, pra këto janë betejat për të cilat duhet të luftojmë”, tha ai, ndërsa theksoi se Berisha dhe banda e tij nuk e pengojnë PD në planet e saj.
Discussion about this post