Qeveria vazhdon t’i lërë studentët në kushte skandaloze dhe “iu hedh si syve” me premtime elektorale. Në këtë përfundim ka dalë organizata “Qëndresa Qytetare”, përmes një raportit të publikuar së fundmi me të dhëna mbi situatën financiare të studentëve. Në këtë raport evidentohet se drejtoritë e Konvikteve në Tiranë akomodojnë vetëm 7 % të totalit të studentëve që studiojnë në kryeqytet, ndërsa pjesa tjetër mbeten në mëshirë të fatit.
Në raport thuhet se, nevoja e lartë për konvikte nuk i përgjigjet investimeve për to nga qeveria, e cila 30 muaj pas premtimit publik, nuk ka nisur ende ndërtimin e kampusit universitar në Qytetin Studenti prezantoi. “Nga 78 500 studentë, vetëm 5549 prej tyre mund të sigurojnë një shtrat në konvikt. Largimi i studentëve nga Fresku në Astir për shkaqe ekonomike dëmton procesin e tyre studimor dhe rëndon situatën e tyre financiare. Shtëpia e studentëve është konvikti dhe këtë duhet ta sigurojnë vendimmarrësit që mburren çdo vit për buxhetin e arsimit”, evidenton raporti.
Ndërkaq, sipas sondazhit të realizuar me 775 studentë, nga 5 universitetet të Tiranës, rezultoi se ushqimi dhe akomodimi zënë peshën më ta lartë të kostove studentore në kryeqytet, deri në masën 63.6%e totalit. Qëndresa Qytetare ironizoi mungesën e investimeve në arsimin e lartë, duke ndarë pako me dëshira për ndërtimin e kampusit, bibliotekave apo dhomave moderne duke nxitur edhe studentët drejt kërkimit të llogarisë ndaj politikanëve që ua premtojnë ato çdo vit
Discussion about this post