Kryeministri Edi Rama ka mbledhur këtë të mërkurë kryetarët e bashkive, të cilëve u ka dhënë detyrat dhe porositë në lidhje me legalizimet e pronave, që sipas tij, lë shumë për të dëshiruar. Kreu i qeverisa tha se kjo është edhe arsyeja pse bashkitë duhet të përfshihen në procesin e legalizimit.
Rama u kërkoi kryebashkiakëve përshpejtimin e këtij procesi, teksa shigjetoi zyrat kadastrale për abuzimin me këtë shërbim të qytetarëve. Ai tha se bashkitë do të vendosin prioritete dhe do të përcaktojnë ritmin e planit të punës për legalizimet, në mënyrë që kadastrat të mos kenë monopol zgjidhjen e këtij problemi duke abuzuar nga indiferenca dhe kërkesa për rryshfet.
Sipas Ramës, bashkitë duhet të vendosin radhë në legalizimin e ndërtesave, pasi është e padrejtë që disa presin me vite e disa e marrin shpejt.
“Kemi një ecuri pozitive me ecurinë e regjistrimit të pronave në Kadastër, për legalizimet nuk mund të thuhet e njëjtat gjë. Për këtë arsye është vendosur që bashkitë të përfshihen në proces për të zgjidhur legalizimin për qytetarët dhe monitoruar punën në Kadastër që në sektorin e legalizimeve lë shumë për të dëshiruar.
Bashkitë do të vendosin prioritete dhe përcaktojnë ritmin e planit të punës. Procesi do të udhëhiqet prej jush me një staf të dedikuar që ju do krijoni deri në shtator kur ky proces do fillojë si rezultat i ndihmës që AKSHI po i jep ASHK për një platformë pune digjitale. Nëpërmjet këtij sistemi edhe për të krijuar një mekanzëm transparence e llogaridhënie mes palëve. Bashkitë të mos jenë në pamundësi për t’i ardhur në ndihmë qytetarëve kur ata vijnë tek ju dhe me të drejtë ankohen dhe zyrat e kadastrës të mos kenë monopolin e zgjidhjes së problemet të ciline abuzojnë në shumë raste herë nga indiferenca herë nga paaftësia dhe shpesh nga krimbi i kërkesës për ryshfet. Kjo është e vërteta pavarësisht gjithë progresit të bërë por i pakënaqshëm po të shohim progresin e regjistrimit të pronës.
Përtej faktit që ligji parashikon përfundimin e këtij procesi në 2028 ne për banesat e qytetarëve të këtij vendi duhet të bëjmë gjithçka që procesi të përshpejtohet dhe të vendoset një rend i qartë i kohës së kërkesave. Kjo është a-ja se është e padrejtë që disa presin prej vitesh dhe disa e marrin edhe pse janë aplikues të mëvonshëm. Ju keni detyrën kryesore të vendosni radhë dhe sipas radhës të bëhet ajo që është e para; legalizimi i banesave.” – tha Rama.
Discussion about this post