Rishfaqet vatra e zjarrit në majën e Sopotit në Gjirokastër

Rishfaqet zjarri në majën e Sopotit. Zjarri në malin e Sopotit i ardhur nga Delvina aktualisht ndodhet në territorin ndarës të tre Bashkive Gjirokastër, Dropull dhe Delvine.

Flakët e zjarrit po avancojnë me intensitet nën ndikimin e temperaturave dhe erës së fortë çka po merr përmasa alarmante.

Efektivat zjarrfikës të Gjirokastrës, janë dislokuar në pjesën e territorit të Bashkisë Gjirokastër për mos të lejuar depërtimin e flakëve.

Në vendngjarje ndodhen vetëm efektivat zjarrfikës të Gjirokastrës dhe Dropullit.

Terreni është malor dhe tepër i vështirë për të ndërhyrë.