Incidenti në këshillin bashkiak/ Tedi Blushi shoqërohet në polici, pas kallëzimit të Halit Valterit

Këshilltari i PL në Këshillin Bashkiak të Tiranës është shoqëruar në polici pas akteve të dhunës në mbledhjen e Këshillit.

Blushi akuzphet se goditi me grusht Valterin, ndërsa ky i fundit e kallëzoi në polici. Burime bëjnë me dije se Blushi është shoqëruar në komisariatin nr.1.

Ndërkohë, Presidenti i Partisë së Lirisë ka marrë në mbrojtje Sekretarin e Përgjithshëm të partisë së tij, duke i shpallur “luftë” Veliajt.

“Akti sulmues i Prindit 2 Erion Veliaj dhe zarit të tij Halit Valteri ndaj këshilltarit dhe Sekretarit të Përgjithshëm të Partisë së Lirisë, z.Tedi Blushi do të marrë shumë shpejt përgjigjen e merituar demokratike dhe shqiptare. Nga sot Partia e Lirisë është në gjendje lufte me kryehajdutin e Tiranës Lali fikun dhe ordinerët përqark tij. Partia e Lirisë është në gjendje lufte me tutorët dhe protektorët e këtij fëlliqësire që vrau Ardit Gjoklajn. Partia e Lirisë do t’ju mësojë të gjithëve se nuk jemi komb eksperimental por Shqiponjash. Nuk ka tutor dhe protektor në botë që e ndalon Drejtësinë tonë!” deklaroi Meta.