Njësia e Task Forcës e Policisë Kufitare të Kosovës, arrestoi një person pasi iu gjetën në furgon 36 thasë me duhan kontrabandë. Sasia totale e duhanit rezulton të jetë 1 ton.
Policia kufitare e Kosovës raporton se personi i ndaluar kishte hyrë në mënyrë të paligjshme nga territori i Maqedonisë së Veriut. Ai kishte shmangur kontrollet policore duke mbërritur në qytetin e Vitisë.
Pas sinjalizimit, policia u vu në ndjekje të furgonit tip “Wolsfagen LT” dhe arriti ta ndalonte. Pas kontrollit rezultoi se S.S. po transportonte 36 thasë me duhan të paregjistruar (1 ton). Materiali i është dërguar më pas Drejtorisë së Doganave.
Discussion about this post