Banorët e Laprakës nuk heqin dorë nga shtëpitë e tyre. Ata u janë rikthyer sërish protestave këtë të mërkurë.
Si në protestat e tjera ata dogjën goma dhe bllokuan qarkullimin e automjeteve në shenjë proteste ndaj devijimit që iu bë planit të Unazës së Madhe. Banorët pretendojnë se nuk kanë marrë ende një përgjigje nga autoritetet për kërkesate tyre.
“Ne kemi një qeveri arrogante, kemi një opozitë inekzistente prej 3 muajsh që protestojmë nuk kanë ardhur këtu. Një opozitë që nuk reagon është një turp tjetër. Ne e dimë se jemi të braktisur qoftë nga shteti qoftë nga ata që presupozohet të na mbështesin prandaj kjo lagje do vazhdojë të mbrojë vetë banesat. Kush të dojë ta provojë të afrohet. Ndaj edhe njëherë tjetër bëni mirë llogaritë para se të afroheni në këtë lagje”, është shprehur një nga banorët
Nga ky projekt, rreth 700 banesa janë të parashikuar të prishen.
Discussion about this post