Kryetari i Parlamentit të Kosovës, Glauk Konjufca, ka komentuar sot ‘Open Balkan’ , duke thënë se Kosova po luan me standard të dyfishtë. Sipas tij, në një kohë kur Aleksandër Vuçiç fton Kosovën që të bëhet pjesë e ‘Open Balkan’, agresioni dhe diskriminimi ndaj shqiptarëve vazhdon.
Përmes një postimi në rrjetin social Facebook, Konjufca thotë se me një vendim të marrë të mërkurën, Gjykata e Apelit në Beograd e ka quajtur të ligjshëm përdorimin e termit shovinist e ofendues për shqiptarët, duke e rrëzuar padinë e ngritur ndaj ministrit të brendshëm Vulin nga Këshilli Kombëtar Shqiptar.
‘E gjithë vjen në një kohë kur shqiptarëve në Preshevë, Bujanoc e Medvegjë ende u ndalohet përdorimi institucional i flamurit kombëtar edhe pse jetojnë në trojet e veta. Hiç më larg se dje Vuçiç edhe një herë na bëri ftesë për pjesëmarrje në Open Ballkan, duke shtuar se Serbia do të jetë ‘shtëpi e dytë’ për shqiptarët. Ky është Open Ballkan i 24 orëve të fundit që po tentohet të na shitet si ‘fqinjësi e mirë’”, shprehet ai”, shkruan ai, duke theksuar se BE duhet ta kundërshtojë këtë lojë të pisët të BE-së.
Discussion about this post