Përfundon me 31 dhjetor afati i rivlerësimit të pronave, Kadastra jep shenja për shtyrje

Me datë 31 dhjetor përfundon afatit i  procesit të rivlerësimit të pasurive me taksën e ulur 3%. Të paktën deri tani ky është afati zyrtar, por Agjentët Imobiliarë tregojnë se kanë marrë sinjale nga qeveria për një shtyrje të afatit për shkak të interesit të qytetarëve. Sipas tyre, ka gjasa që ky afat të shtyhet deri në 31 mars. Ndërsa Agjencia Shtetërore e Kadastrës  ka deklaruar në një intervistë televizive se po punohet në këtë drejtim, por nuk ka dalë ende një vendim përfundimtar

Sipas të dhënave nga Agjencia Shtetërore e Kadastrës, përgjatë vitit 2021 janë bërë gjithsej 56.623 aplikime për rivlerësim, nga të cilat 2.506 nuk janë trajtuar ende. Rekordin e aplikimeve e mban Tirana, me 13.499 të tilla. Ndërsa në Tropojë vetëm 61 qytetarë kanë shfaqur interes për këtë proces, duke shënuar kështu numrin më të ulët të aplikimeve.