Deputeti i Partisë Demokratike, Agron Shehaj, ka dhënë reagimin e tij në lidhje me listën që ka vënë alarmin në të gjithë rrjetin. Përmes një postimi në rrjetin social Facebook ai shkruan se publikimi i pagave dhe të dhënave është një akt skandaloz dhe kundër ligjit. Sipas tij, akoma më skandal është qëndrimi indiferent i qeverisë për këtë çështje. Shehaj tha se reagimi i qeverisë për t’u shfajësuar ishte shumë qesharak.
“Publikimi i të dhënave sensitive mbi pagat dhe numrat personalë të qytetarëve është një skandal shumë i rëndë. Por një skandal akoma edhe më i rëndë është reagimi i qeverisë për këtë ngjarje. Në vend që të kërkonte ndjesë publike para qytetarëve, Kryeministri u mundua të shfajësohej duke thënë se nuk ka ndodhur asnjë eksportim dixhital i databazës së pagave dhe se lista që qarkullon është një bashkim ilegal. Ky është një shfajësim qesharak. Kjo është një listë me të dhëna, të cilat disponohen vetëm nga institucionet shtetërore. Nuk ka asnjë rëndësi nga cili institucion ka rrjedhur databaza. Këto janë të dhëna që kanë rrjedhur nga shteti shqiptar”, shkruan ai. Prandaj ai bën thirrje që SPAK duhet te veprojë sa më shpejt në mënyrë që ky skandal mos kalojë pa ndëshkimin e autorëve.
Discussion about this post