Një 63-vjeçar i cili i shpallur në kërkim nga familjarët është gjetur i pa jetë në mjetin e tij. Ngjarja e rëndë ka ndodhur në fshatin Qamicë në Dimal. Raportohet se 63-vjeçari, banues në fshatin Fiershegan, Lushnje mund të jetë vetëhelmuar me pesticide duke i dhënë fund jetës. Policia raporton se në trupin e tij nga këqyrja paraprake nuk janë konstatuar shenja dhune apo dëmtime të tjera.
I ndjeri mësohet se është shpallur në kërkim, pasi familjarët në datën 21 dhjetor, dy ditë më parë kanë kallëzuar largimin e tij nga banesa, duke mos ditur asgjë rreth vendndodhjes apo gjendjes së tij. Materialet i kaluan Prokurorisë së Rrethit Gjyqësor Berat, për veprime të mëtejshme.
Discussion about this post