Në kërkim për tentativë vrasje, arrestohet 30-vjeçari në Tiranë – Video

Një 30-vjeçar i quajtur Gabriele Peqini është vënë në pranga nga policia e Tiranës, pasi ishte shpallur në kërkim për tentativë vrasje.

Ai u ndalua në afërsi të mbikalimit te Casa Italias.

Ky shtetas, njoftoi policia, ishte shpallur në kërkim pasi Gjykata e Shkallës së Parë e Juridiksionit të Përgjithshëm Durrës i ka caktuar masën e sigurimit personal “Arrest në burg”, për veprën penale “Vrasja me dashje”, mbetur në tentativë.

30-vjeçari, në vitin 2022, në Durrës, për motive të dobëta, ka tentuar të vrasë me armë zjarri një person, shtuan të njëjtat burime.

Gjatë kontrollit fizik, efektivët e Policisë i gjetën dhe sekuestruan një armë zjarri pistoletë me krëhra e municion luftarak, dy mjete identifikimi të dyshuara të falsifikuara dhe sasi lënde të dyshuar narkotike.