Aksident në Vlorë, makina përplas për vdekje drejtuesin e motomjetit

Një aksident me vdekje ka ndodhur mëngjesin e kësaj të marte në rrugën që të çon në fshatin Zvërec, në Vlorë.

Një automjet është përplasur me një motomjet.

Si pasojë, drejtuesi i motomjetit ka ndërruar jetë, ndërsa drejtuesi i automjetit është shoqëruar në polici.

Policia ndodhet në vendin e ngjarjes për sqarimin e rrethanave të ngjarjes.

“Në vendin e quajtur “Kryqëzimi i Triportit”, automjeti me drejtues shtetasin N. P. është përplasur me një motomjet me drejtues një shtetas ende të paidentifikuar, rreth 70 vjeç, i cili si pasojë e dëmtimeve të marra, ka humbur jetën në spital. Drejtuesi i automjetit, shtetasi N. P., është shoqëruar në komisariat, për veprimet procedurale. Grupi hetimor po kryen veprimet për zbardhjen e plotë të rrethanave të aksidentit, si dhe për identifikimin e drejtuesit të motomjetit”, njoftoi policia.