Një sherr banal mes dy të moshuarve përfundoi me një të vdekur në një azil privat në lagjen “Ali Demi”, në Tiranë, orët e para të mëngjesit.
Policia njoftoi më herët se 78-vjeçari Zyhdi Shehi goditi me bastun në kokë Virxhil Veshon duke e lënë të vdekur në vend. Viktima, 82 vjeç dhe autori ishin konfliktuar më herët për çështjen e krevatit, sipas burimeve policore.
Punonjës së azilit privat “Ruaje Moshën” ku ndodhi ngjarja, kanë dëshmuar se të dy të moshuarit vuanin nga skleroza.
Ndërsa të moshuar të tjerë, që jetojnë në azil, thanë për mediat se 78-vjeçari qëndronte te “Ruaje Moshën” bashkë me bashkëshorten.
“Më bullizonte, më zinte rrugën”, mësohet të ketë thënë 78-vjeçari Zyhdi Shehi para grupit hetimor pas krimit.
Autori është një emër i njohur në qytetin e Kavajës. Shehi ka disa publikime në fushën e historisë, madje vitin e kaluar është shpallur edhe “Qytetar Nderi” i Kavajës.
Sipas biografisë së botuar edhe online, Zyhdi Shehi është diplomuar në Institutin Pedagogjik të Shkodrës për Gjuhë-Letërsi e më pas ka mbaruar me korespondencë edhe Fakultetin Filologjik të Tiranës, po për Gjuhë-Letërsi.
Pas një periudhe pune si mësues, në vitin 1982, nis punën në Muzeun Historik të Kavajës. Në vitin 1996, pas botimeve të artikujve të shumtë në fushën e historisë dhe etnografisë së zonës, del me librin e parë, monografinë kushtuar patriotit kavajas, Ahmet Bejtaga.
Më pas, në vitin 2000, monografinë Andrea Ekonomi, “Mësues i Popullit”, “Kavaja, figura të shquara historike” 2005, “Indrit Cara”, 2007, “Inxhinjeri Jani (Xhuf) Koljaka, e Diplomati Stavro Stavri”, etj. Për merita në punë i është dektretuar në vitin 1990 edhe medalja “Naim Frashëri”.
Lexo edhe:
Tiranë/ Vrasje në azilin “Ruaje Moshën”, 78 -vjeçari vret shokun e dhomës me bastun
Discussion about this post