Terrorizoi banorët duke qëlluar me armë në ajër, arrestohet 36-vjeçari në Pogradec

Një person me inicialet K.H., 36 vjeç është arrestuar ditën e sotme në Pogradec pasi ka qëlluar me armë zjarri në ajër.

Ky person është banues në fshatin Buçimas të Pogradecit, ndërkohë policia bën me dije se është arrestuar për shkak se ka qëlluar me armë në ajër në oborrin e shtëpisë së tij. Bëhet fjalë për një armë gjahu çifte që e kishte pa leje, të cilën e ka sekuestruar policia e shteti.

Pritet që i arrestuari të përballet me akuzën për veprat penale “Prodhimi dhe mbajtja pa leje e armëve të gjuetisë dhe sportive” dhe “Prishja e qetësisë publike”.