Në këto ditë të nxehta vere dhe të sezonit turistik, Durrësi po përballet me një mungesë të ujit të pijshëm prej disa ditësh. Nëpërmjet një deklarate për mediat PD Durrës, njofton se qytetarët nuk po përballojnë dot as nevojat e përditshme, duke kërkuar zgjidheje sa më parë nga autoritetet.
Por në krahun tjetër kreu I shtetit Edi Rama, e quan këtë lajm të pa vërtetë, duke ironizuar me një postim në rrjetet sociale me postimin e dy turistëve Italian.
Deklarata e plotë
Durresi po përballet me një krizë të rëndë uji prej tre ditësh, ndërsa qytetarët janë lënë në mëshirë të fatit. Kjo është një pasqyrë e qartë e paaftësisë dhe neglizhencës së Kryeministrit dhe Kryetares së Bashkisë, të cilët në vend që të zgjidhin problemet jetike të qytetarëve, janë të zënë duke bërë show me legalizimin e grupeve të patronazhistëve për vjedhjen e votave.
Ndërkohë që qytetarët e Durrësit vuajnë pa ujë, Kryeministri nuk humb kohe të bëjë ironi patronazhistësh me ta, duke reklamuar blogerë italianë që e paraqesin vendin tonë si fushë me lule dhe ujë sigurisht! Kjo është kulmi i papërgjegjshmërisë dhe arrogancës së një qeverie që ka humbur kontaktin me nevojat e popullit.
Ne u garantojmë qytetarëve se nuk do të qëndrojmë duarkryq përballë kësaj padrejtësie. Do të demaskojmë publikisht çdo patronazhist me emër dhe mbiemër, dhe do të luftojmë për të mbrojtur interesat e qytetarëve. I bëjmë thirrje Kryeministrit dhe Kryebashkiakes, të zhytur në korrupsion, që në vend të legalizimit të patronazhistëve, të kalojnë fondet tek Ndërmarrja e Ujësjellësit për të siguruar furnizimin e qëndrueshëm me ujë të qytetarëve të Durrësit.
Nuk mund të pranojmë që në mes të sezonit turistik, qytetarët dhe turistët të përballen me mungesa elementare, ndërsa qeveria bëhet pjesë e lojërave cinike dhe të paturpshme. Kjo situatë duhet të marrë fund dhe përgjegjësit duhet të japin llogari!
Discussion about this post