Morën me forcë në automjet një 22 vjeçar, arrestohen dy autorët (Emrat)

Dy persona janë arrestuar, pasi dyshohet se kanë marrë me forcë një 22 vjeçar në Tiranë dhe i kanë hequr atij lirinë.

Sipas burimeve pranë Policisë së Shtetit, bëhet me dije se Ardit Cara, 18 vjeç dhe Arjan Dukaj, 35 vjeç, të dy banues në Tiranë, pasi e morën me forcë të riun me iniciale E.G në makinë e kanë kanosur atë për dhënie pasurie.

Ngjarja mësohet të ketë ndodhur pas një konflikti të çastit për përplasje automjetesh.

Pas ndërhyrjes së policisë, dy shtetasit e dyshuar për këtë ngjarje janë shoqëruar në komisariat.

Materialet e mbledhura i kanë kaluar Prokurorisë.