“40 000 Euro ose të publikoj bisedat”, i riu arrestohet për shantazh pas kurthit policor

Një person i cili shantazhoi një shtetas për t’i marrë 40 000 euro, në këmbim të mospublikimit të komunikimeve personale që i kishte gjetur në llogarinë që i kishte vjedhur në Instagram, u arrestua nga policia në momentin që do të merrte paratë.

Një 31-vjeçar denoncoi se se ishte shatnazhuar nëpërmjet celularit, për dhënien e një shume të konsiderueshme parash. Pas kësaj, policia përgatiti ‘kurthin’ dhe arrestoi në flagrancë teksa merrte paratë nga 31-vjeçari, 35-vjeçarin Arion Hyseni.

Ai dyshohet se ka kanosur nëpërmjet celularit 31-vjeçarit për t’i marrë 40 000 euro, në këmbim të mospublikimit të komunikimeve personale që i kishte gjetur në llogarinë që i kishte vjedhur, në rrjetin social Instagram.

I arrestuari akuzohet për veprat penale “Shtrëngimi me anë të kanosjes ose dhunës për dhënien e pasurisë” dhe “Hyrja e paautorizuar kompjuterike”.