Ushtria izraelite u bëri thirrje sot civilëve në Gazën jugore dhe qendrore – të largohen përpara një operacioni të ri ushtarak.
Më herët, ambasadori amerikan në Izrael tha se ai ishte “i tmerruar” pasi një palestinez ishte vrarë nga kolonët militantë në Bregun Perëndimor.
“Organizata terroriste Hamas ka krijuar një infrastrukturë terroriste në një zonë të përcaktuar si Zonë Humanitare”, thanë Forcat e Mbrojtjes të Izraelit (IDF) në Telegram.
IDF tha se grupi militant palestinez Hamas kishte lëshuar dje raketa drejt Izraelit nga qyteti jugor Khan Younis.
“IDF do të veprojë kundër organizatave terroriste në zonë”, tha ushtria izraelite.
Duke përdorur fletëpalosje, mesazhe me tekst, telefonata dhe raporte mediatike në gjuhën arabe, IDF u tha civilëve të lëviznin në një zonë humanitare.
Zonat e prekura përfshijnë rrethet në veri të Khan Younis dhe në lindje të qytetit qendror Deir al-Balah.
IDF tha se po bënte paralajmërime paraprake për civilët – për të zbutur dëmin ndaj popullatës civile dhe për t’u mundësuar civilëve të largohen nga zona e luftimit.
Konflikti u shkaktua nga masakra e kryer nga Hamasi dhe grupet e tjera ekstremiste në Izrael më 7 tetor.
Numri i lartë i viktimave civile dhe katastrofa humanitare për popullatën civile palestineze kanë çuar në kritika të ashpra ndërkombëtare ndaj veprimeve të Izraelit.
Discussion about this post