Kampionati anglez i Premier League është një nga më të prekurit nga varianti i ri i Covid-19, Omicron dhe shumë ndeshje janë shtyrë për këtë shkak.
Gjendur përballë këtij fakti, trajneri i Manchester United, Ralf Rangnick ka urdhëruar që të gjithë futbollistët e tij të jenë të vaksinuar me dy doza dhe në këtë formë të përfitojnë imunitet.
“Duhet të inkurajojmë futbollistët të qëndrojnë të disiplinuar dhe të bëjmë të pamundurën që pjesa më e madhe të jetë e vaksinuar. Mesa di unë te United pjesa më e madhe është e vaksinuar, mirëpo duhen dy apo tre doza në mënyrë që të kesh imunitet ndaj versionit të ri të COVID. Megjithatë, nëse je i vaksinuar atëherë ke simptoma të lehta dhe kështu ka ndodhur edhe me futbollistët tonë që ishin të infektuar. Zhvillimet e fundit në klub kanë qenë pozitive, pasi përveç Pogba, i kam të gjithë në dispozicion për transfertën ndaj Newcastle,” -ka thënë ai.
Një urdhër ky që nuk dihet se si është pritur nga lojtarët, duke ditur se pjesë e ‘Djajve të kuq’ janë emra që vështirë se mund të binden./K.T/Gijotina.com
Discussion about this post