Kreu i partisë kryesore opozitare greke Syriza, Stefanos Kasselakis është martuar sot në një ceremoni private. Mediat greke kanë publikuar foto nga ambientet ku është mbajtur ceremonia e martesës dhe festa, si dhe të ftuarve të shumtë, figura të njohur të politikës dhe biznesit në Greqi.
Ceremonia u mbajt në Kopshtin Botanik Hania. Sëbashku me bashkëshortin e tij amerikan Tyler McBeth, ata bënë betimet për besnikëri ndaj njëri tjetrit mes miqve e të ftuarve të tjerë.
Në orën 18:00 të së premtes, çifti mbërriti nën masa të rrepta sigurie në vendin e ceremonisë, ndërsa të ftuarit e tyre kishin nisur të vinin pak më herët. Një makinë patrulle e Policisë ndodhej në hyrje të rrugës private që të çon në Kopshtin Botanik, duke penguar hyrjen e atyre që nuk ishin të ftuar në dasmë.
Ndërkohë, autoritetet policore në Chania arrestuan dy persona, pasi pavarësisht kërkesës së presidentit të SYRIZA-s, Stefanos Kasselakis, që të respektohej privatësia e ceremonisë së tij martesore, por kjo nuk u bë aspak e mundur. Dy personat kanë tentuar që të filnojnë me dron ceremoninë e martesës së Presidentit të SYRIZA-s dhe bashkëshortit të tij, Tyler Macbeth, në Kopshtin Botanik të Chanias.
Stefanos Kasselakis dhe Tyler Macbeth kanë përfituar nga ligji që legalizon martesat mes partnerëve të së njëjtës gjini që u miratua në parlamentin grek në muajin Shkurt të këtij viti.
Mediat greke shkruajnë se ceremonia 4-ditore nisi të mërkurën me një darkë për 70 persona në një restorant luksoz në Hania, që mendohet t’i ketë kushtuar gjithsej mbi 12 mijë Euro çiftit, me verëra mbi 6 600 Euro, ushqime 3 300 euro e meze e ëmbëlsira mbi 2 mijë Euro. Ceremonia do të vazhdojnë deri natën e të shtunës.
gijotina.com/
Discussion about this post